ᠮᠤᠩᠭᠤᠯᠴᠤᠳ ᠡᠷᠲᠡ ᠳᠡᠭᠡᠳᠦ ᠦᠶᠡ ᠠᠴᠠ ᠲᠡᠭᠷᠢ ᠭᠠᠯ ᠢ ᠰᠢᠲᠦᠵᠤ ᠢᠷᠡᠵᠠᠢ᠃ | ᠲᠡᠭᠷᠢ ᠪᠤᠯ ᠮᠦᠩᠬᠡ ᠶᠢᠨ ᠪᠡᠯᠭᠡᠳᠡᠯ᠂ ᠭᠠᠯ ᠢ ᠠᠷᠢᠭᠤᠨ ᠤ ᠪᠡᠯᠭᠡᠳᠡᠯ ᠭᠡᠳᠡᠭ ᠪᠢᠯᠡ᠃ | ᠭᠠᠯ ᠢ ᠪᠤᠵᠠᠷ ᠪᠤᠯᠠᠢ ᠶᠢ ᠦᠭᠡᠢ ᠪᠤᠯᠭᠠᠳᠠᠭ ᠬᠡᠮᠡᠨ ᠰᠢᠳᠦᠳᠡᠭ ᠪᠠᠶᠢᠵᠠᠢ᠃ | ᠲᠡᠶᠢᠮᠤ ᠤᠴᠢᠷ ᠠᠴᠠ ᠮᠠᠨᠠᠶᠢᠬᠢᠨ ᠳᠤ ᠭᠠᠳᠠᠨᠠ ᠶᠢᠨ ᠬᠦᠮᠦᠨ ᠢ ᠬᠦᠯᠢᠶᠡᠵᠤ ᠠᠪᠬᠤ ᠳᠠᠭᠠᠨ ᠬᠤᠶᠠᠷ ᠭᠠᠯ | ᠤᠨ ᠳᠤᠮᠳᠠᠭᠤᠷ ᠭᠠᠷᠭᠠᠭᠰᠠᠨ ᠪᠤᠶᠤ ᠭᠠᠷᠭᠠᠳᠠᠭ ᠪᠠᠶᠢᠵᠠᠢ᠃ | ᠦᠨᠳᠦᠷ ᠭᠡᠭᠡᠨ ᠵᠢᠨᠠᠪᠠᠽᠤᠷ᠂ ᠰᠤᠶᠤᠩᠪᠤ ᠶᠢ ᠵᠤᠬᠢᠶᠠᠬᠤ ᠳᠠᠭᠠᠨ ᠨᠠᠷᠠᠨ ᠰᠠᠷᠠᠨ ᠤ ᠳᠡᠭᠡᠷᠡ ᠭᠠᠯ ᠢ | ᠪᠠᠶᠢᠷᠢᠯᠠᠭᠤᠯᠵᠠᠢ᠃ | ᠮᠤᠩᠭᠤᠯᠴᠤᠳ ᠭᠠᠯ ᠠᠴᠠ ᠠᠶᠤᠳᠠᠭ ᠴᠤ ᠪᠠᠶᠢᠭᠰᠠᠨ᠂ ᠲᠠᠬᠢᠵᠤ ᠰᠢᠲᠦᠵᠤ ᠴᠤ ᠪᠠᠶᠢᠨᠰᠠᠨ᠂ ᠮᠤᠩᠭᠤᠯ | ᠬᠦᠮᠦᠨ ᠭᠡᠷᠯᠡᠬᠦ ᠳᠡᠭᠡᠨ ᠭᠠᠯ ᠳᠠᠭᠠᠨ ᠮᠦᠷᠭᠦᠳᠡᠭ᠂ ᠠᠶᠢᠯ ᠤᠨ ᠤᠳᠬᠤᠨ ᠬᠦᠦ ᠭᠠᠯ ᠭᠤᠯᠤᠮᠳᠠ ᠪᠠᠨ | ᠵᠠᠯᠭᠠᠮᠵᠢᠯᠠᠳᠠᠭ ᠨᠢ ᠡᠷᠲᠡᠨ ᠤ ᠵᠠᠩᠰᠢᠯ ᠶᠤᠮ᠃ | ᠬᠦᠮᠦᠨ ᠨᠠᠰᠤ ᠪᠠᠷᠠᠬᠤ ᠳᠤ ᠭᠠᠯ ᠭᠤᠯᠤᠮᠳᠠ ᠪᠠᠨ ᠠᠷᠢᠭᠤᠳᠬᠠᠵᠤ ᠭᠠᠯ ᠳᠠᠭᠠᠨ ᠠᠷᠢᠬᠢ ᠰᠠᠴᠤᠵᠤ ᠶᠡᠭᠡ | ᠭᠠᠯ ᠲᠦᠯᠡᠳᠡᠭ᠃ ᠪᠦᠬᠦ ᠡᠳ᠋ ᠬᠤᠭᠰᠢᠯ ᠢᠶᠠᠨ ᠠᠷᠢᠭᠤᠳᠬᠠᠵᠤ᠂ ᠨᠠᠰᠤ ᠪᠠᠷᠠᠭᠰᠠᠨ ᠬᠦᠮᠦᠨ ᠢ ᠤᠷᠤᠰᠢᠭᠤᠯᠤᠭᠠᠳ | ᠢᠷᠡᠭᠰᠡᠨ ᠬᠦᠮᠦᠨ ᠪᠠ ᠤᠨᠤᠯᠭᠠ ᠶᠢ ᠬᠤᠶᠠᠷ ᠭᠠᠯ ᠤᠨ ᠬᠤᠭᠤᠷᠤᠨᠳᠤᠭᠤᠷ ᠶᠠᠪᠤᠭᠤᠯᠵᠤ ᠤᠷᠤᠭᠤᠯᠳᠠᠭ ᠶᠤᠰᠤ ᠲᠠᠢ | ᠪᠠᠶᠢᠵᠠᠢ᠃ | ᠳᠡᠭᠡᠷᠡ ᠦᠶᠡ ᠳᠤ ᠮᠤᠩᠭᠤᠯ ᠬᠦᠮᠦᠨ ᠭᠠᠯ ᠢᠶᠠᠨ ᠳᠠᠬᠢᠬᠤ ᠳᠠᠭᠠᠨ ᠪᠦᠬᠡ ᠢᠲᠤᠭᠠᠨ ᠢᠶᠠᠷ ᠪᠦᠬᠡᠯᠡᠳᠡᠭ | ᠪᠠᠶᠢᠭᠰᠠᠨ ᠪᠤᠯ ᠤᠳᠤ ᠦᠶᠡ ᠳᠤ ᠭᠤᠤᠯᠳᠠᠭᠤ ᠯᠠᠮᠠ ᠬᠦᠮᠦᠨ ᠢ ᠵᠠᠯᠠᠳᠠᠭ ᠪᠤᠯᠵᠠᠢ᠃ | ᠭᠠᠯ ᠳᠠᠬᠢᠯᠲᠠ ᠳᠤ ᠪᠦᠬᠡ᠂ ᠢᠲᠤᠭᠠᠨ ᠤ ᠳᠠᠭᠤᠳᠠᠯᠭᠠ ᠯᠠᠮᠠ ᠨᠠᠷ ᠤᠨ ᠤᠩᠰᠢᠯᠭᠠ ᠬᠤᠶᠠᠷ ᠠᠭᠤᠯᠭᠠ | ᠪᠠᠷ ᠦᠭᠡᠷᠡ ᠪᠠᠶᠢᠳᠠᠭ᠃ | ᠭᠠᠯ ᠤᠨ ᠬᠠᠭᠠᠨ ᠳᠤ ᠵᠤᠷᠢᠭᠤᠯᠵᠤ ᠰᠦᠮᠪᠦᠷ ᠠᠭᠤᠯᠠ ᠲᠡᠳᠦᠢ ᠢᠳᠡᠭᠡ ᠶᠢ ᠰᠦᠨ ᠳᠠᠯᠠᠢ ᠶᠢᠨ ᠲᠡᠳᠦᠢ | ᠤᠮᠳᠠ ᠪᠠᠷ ᠰᠦᠷᠲᠦ ᠭᠠᠯ ᠤᠨ ᠬᠠᠭᠠᠨ ᠲᠠᠨ ᠳᠤ ᠡᠷᠭᠦᠶᠡ ᠭᠡᠵᠤ ᠭᠠᠯ ᠳᠠᠬᠢᠬᠤ ᠳᠤ ᠬᠡᠯᠡᠳᠡᠭ ᠠᠵᠠᠢ᠃ | ᠬᠠᠭᠠᠳ᠂ ᠨᠤᠶᠠᠳ᠂ ᠪᠠᠶᠠᠨ ᠠᠶᠢᠯ ᠤᠨ ᠭᠠᠯ ᠳᠠᠬᠢᠯᠭᠠ ᠳᠤ ᠤᠩᠰᠢᠬᠤ ᠤᠩᠰᠢᠯᠭᠠ ᠳᠠᠭᠤᠳᠠᠯᠭᠠ ᠦᠭᠡᠷᠡ | ᠤᠨᠳᠤᠤ ᠪᠠᠶᠢᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠄ | ᠤᠳᠤᠨ ᠠᠴᠠ ᠤᠯᠠᠨ ᠮᠠᠯ ᠲᠠᠢ ᠪᠤᠯᠲᠤᠭᠠᠢ︕ | ᠠᠭᠤᠯᠠ ᠠᠴᠠ ᠶᠡᠭᠡ ᠴᠠᠭᠠᠨ ᠭᠡᠷ ᠲᠠᠢ ᠪᠤᠯᠲᠤᠭᠠᠢ︕ | ᠲᠦᠷᠦᠭᠰᠡᠨ ᠪᠡᠶᠡ ᠴᠢᠨᠢ ᠮᠦᠩᠬᠡ ᠵᠢᠷᠭᠠᠬᠤ ᠪᠤᠯᠲᠤᠭᠠᠢ︕ | ᠲᠦᠷᠦ ᠶᠢ ᠡᠵᠡᠯᠡᠬᠦ ᠨᠢᠭᠡᠨ ᠬᠦᠪᠡᠭᠦᠨ ᠲᠠᠢ ᠪᠤᠯᠲᠤᠭᠠᠢ︕ ᠭᠡᠵᠤ ᠪᠠᠶᠠᠨ ᠠᠶᠢᠯ ᠤᠨ ᠭᠠᠯ ᠳᠠᠬᠢᠯᠭᠠᠨ ᠳᠤ | ᠤᠩᠰᠢᠬᠤ ᠨᠤᠮ ᠳᠤ ᠪᠠᠶᠢᠳᠠᠭ ᠪᠤᠯ ᠶᠠᠳᠠᠭᠤ ᠠᠶᠢᠯ ᠳᠤ ᠢᠷᠡᠵᠤ ᠪᠦᠬᠡᠯᠡᠬᠦ ᠳᠡᠭᠡᠨ᠄ | ᠨᠠᠭᠤᠷ ᠲᠤ ᠵᠤᠭᠰᠤᠬᠤ ᠤᠯᠠᠨ ᠠᠳᠤᠭᠤ ᠲᠠᠢ ᠪᠤᠯᠭᠠ ᠴᠢ︕ | ᠨᠤᠶᠠᠳ ᠬᠦᠮᠦᠨ ᠢ ᠳᠠᠭᠠᠬᠤ ᠭᠠᠬᠢᠶᠠ ᠬᠦᠪᠡᠭᠦᠨ ᠲᠠᠢ ᠪᠤᠯᠭᠠ ᠴᠢ︕ | ᠵᠠᠳᠠᠭᠠᠢ ᠳᠤ ᠤᠯᠠᠨ ᠬᠤᠨᠢ ᠲᠠᠢ ᠪᠤᠯᠭᠠ ᠴᠢ︕ | ᠵᠠᠩ ᠰᠠᠶᠢᠲᠠᠢ ᠦᠬᠢᠨ ᠳᠤ ᠦᠷᠡ ᠲᠠᠢ ᠪᠤᠯᠭᠠ ᠴᠢ︕ ᠭᠡᠳᠡᠭ ᠪᠠᠶᠢᠨᠠ᠃ | ᠮᠤᠩᠭᠤᠯᠴᠤᠳ ᠭᠠᠯ ᠤᠨ ᠪᠤᠷᠬᠠᠨ ᠢ ᠭᠠᠯ ᠤᠨ ᠲᠦᠯᠡᠲᠤ᠂ ᠭᠤᠷᠪᠠᠨ ᠨᠠᠰᠤᠲᠠᠢ ᠬᠡᠦᠬᠡᠳ ᠤᠨ ᠲᠦᠷᠦᠬᠦ | ᠪᠠᠷ ᠰᠠᠭᠤᠵᠤ ᠪᠠᠶᠢᠳᠠᠭ ᠭᠡᠵᠤ ᠶᠠᠷᠢᠳᠠᠭ᠃ | ᠭᠠᠯ ᠳᠤ ᠬᠤᠶᠠᠷ ᠶᠠᠩᠵᠤ ᠶᠢᠨ ᠳᠠᠬᠢᠯᠭᠠ ᠪᠠᠶᠢᠵᠠᠢ᠃ ᠪᠠᠶᠢᠩᠭᠤ ᠶᠢᠨ ᠳᠠᠬᠢᠯᠭᠠ —— ᠭᠠᠯ ᠳᠤ | ᠳᠡᠭᠡᠵᠢ ᠡᠷᠭᠦᠬᠦ᠂ ᠶᠡᠭᠡ ᠳᠠᠬᠢᠯᠭᠠ—— ᠵᠢᠯ ᠳᠤ ᠭᠠᠭᠴᠠ ᠤᠳᠠᠭᠠ ᠪᠤᠯᠳᠠᠭ᠂ ᠲᠤᠰᠬᠠᠢ ᠪᠡᠯᠡᠳᠭᠡᠵᠤ ᠬᠢᠳᠡᠭ | ᠃ | ᠵᠢᠯ ᠤᠨ ᠡᠴᠦᠰ ᠤᠨ ᠬᠦᠬᠡᠭᠡ ᠰᠠᠷᠠ ᠶᠢᠨ ︿12 ᠳ᠋ᠤᠭᠠᠷ ᠰᠠᠷᠠ﹀ ᠪᠢᠯᠢᠭ ᠤᠨ ᠲᠤᠭᠠᠯᠠᠯ ᠤᠨ23—24 | ᠳᠤ ᠪᠤᠯᠳᠠᠭ᠃ ᠭᠠᠯ ᠤᠨ ᠪᠤᠷᠬᠠᠨ ᠪᠤᠶᠤ ᠲᠡᠭᠷᠢ ᠭᠡᠵᠤ ᠪᠠᠶᠢᠳᠠᠭ᠃ ᠭᠠᠯ ᠤᠨ ᠲᠡᠭᠷᠢ ᠶᠢ ᠳᠡᠭᠡᠲᠦ ᠲᠡᠭᠷᠢ ᠶᠢᠨ ᠬᠦᠦ | ᠭᠡᠵᠤ ᠦᠵᠡᠳᠡᠭ᠃ ᠵᠢᠯ ᠳᠤ ᠨᠢᠭᠡ ᠤᠳᠠᠭᠠ ᠲᠡᠷᠡ ᠬᠦᠦ ᠠᠪᠤ ᠡᠵᠢ ᠳᠡᠭᠡᠨ ᠵᠤᠯᠭᠠᠳᠠᠭ ᠭᠡᠨᠡ᠃ ᠵᠤᠯᠭᠠᠬᠤ ᠪᠠᠷ | ᠶᠠᠪᠤᠳᠠᠭ ᠡᠳᠦᠷ ᠨᠢ23 ᠳᠤ᠂ ᠢᠷᠡᠳᠡᠭ ᠡᠳᠦᠷ ᠨᠢ24 ᠪᠤᠯᠤᠨᠠ᠃23 ᠤ ᠳᠠᠬᠢᠯᠭᠠ ᠶᠢ ᠦᠳᠡᠰᠢ ᠶᠢᠨ | ᠴᠦᠯᠳᠡᠭᠡᠷ ᠢᠶᠠᠷ ᠡᠬᠢᠯᠡᠳᠡᠭ᠂24 ᠤ ᠦᠤᠷ ᠤᠨ ᠴᠤᠯᠮᠤᠨ ᠢᠶᠠᠷ ᠳᠠᠬᠢᠳᠠᠭ᠃ ᠡᠭᠦᠨ ᠤ ᠨᠢᠭᠡ ᠨᠢ ᠦᠳᠡᠯᠲᠡ᠂ | ᠨᠦᠭᠦᠭᠡ ᠨᠢᠭᠡ ᠨᠢ ᠤᠭᠳᠤᠯᠲᠠ ᠶᠢᠨ ᠳᠠᠬᠢᠯᠭᠠ ᠶᠤᠮ᠃ | ᠭᠠᠯ ᠤᠨ ᠳᠠᠬᠢᠯᠭᠠ ᠶᠢᠨ ᠰᠤᠳᠤᠷ ᠲᠤ ᠪᠤᠭᠳᠠ ᠴᠢᠩᠭᠢᠰ ᠬᠠᠭᠠᠨ᠂ ᠪᠦᠷᠳᠡ ᠬᠠᠲᠤᠨ ᠲᠠᠢ ᠪᠠᠨ ᠬᠦᠬᠡᠬᠡ | ᠰᠠᠷᠠ ᠶᠢᠨ23 ᠳᠤ ᠬᠤᠷᠢᠮᠯᠠᠵᠠᠢ᠂ ᠲᠡᠶᠢᠮᠤ ᠠᠴᠠ 13 ᠳ᠋ᠤᠭᠠᠷ ᠵᠠᠭᠤᠨ ᠠᠴᠠ ᠬᠤᠶᠢᠰᠢ23 ᠤ ᠳᠠᠬᠢᠯᠭᠠ ᠶᠢ | ᠳᠠᠬᠢᠵᠤ᠂ ᠨᠠᠷᠠᠨ ᠤ ᠳᠠᠬᠢᠯᠭᠠ ᠭᠡᠵᠤ24 ᠤ ᠳᠠᠬᠢᠯᠭᠠ ᠶᠢ ᠬᠠᠷᠠᠴᠤ ᠨᠠᠷ ᠤᠨ ᠳᠠᠬᠢᠯᠭᠠ ᠭᠡᠵᠤ ᠢᠯᠭᠠᠳᠠᠭ ᠪᠠᠶᠢᠵᠠᠢ᠃ | | ᠭᠠᠯ ᠤᠨ ᠲᠡᠭᠷᠢ ᠪᠠᠶᠢᠳᠠᠭ ᠭᠡᠵᠤ ᠮᠤᠩᠭᠤᠯᠴᠤᠳ ᠦᠵᠡᠳᠡᠭ᠂ ᠶᠠᠷᠢᠳᠠᠭ ᠪᠤᠯᠪᠠᠴᠤ ᠲᠦᠷᠰᠤ ᠭᠡᠵᠤ ᠪᠠᠶᠢᠳᠠᠭ | ᠦᠭᠡᠢ᠂ ᠭᠠᠯ ᠤᠨ ᠲᠡᠭᠷᠢ ᠬᠦᠮᠦᠨ ᠤ ᠨᠢᠳᠦᠨ ᠳᠤ ᠦᠵᠡᠭᠳᠡᠳᠡᠭ ᠦᠭᠡᠢ᠂ ᠭᠠᠯ ᠳᠤᠲᠤᠷᠠ ᠪᠠᠨ ᠪᠠᠶᠢᠳᠠᠭ ᠵᠦᠢᠯ | ᠭᠡᠵᠤ ᠦᠵᠡᠳᠡᠭ᠃ ᠭᠡᠪᠡᠴᠤ ᠮᠤᠩᠭᠤᠯ ᠳᠤ ᠱᠠᠰᠢᠨ ᠳᠡᠯᠭᠡᠷᠡᠭᠰᠡᠨ ᠠᠴᠠ ᠬᠤᠶᠢᠰᠢ ᠪᠦᠬᠡ ᠢᠲᠤᠭᠠᠨ᠂ ᠯᠠᠮᠠ ᠨᠠᠷ | ᠢᠯᠭᠠᠯ ᠦᠭᠡᠢ᠂ ᠭᠠᠯ ᠤᠨ ᠲᠡᠷᠢ ᠶᠢ ᠲᠦᠷᠰᠦᠯᠡᠵᠤ ᠡᠬᠢᠯᠡᠭᠰᠡᠨ᠂ ᠢᠯᠠᠩᠭᠤᠶᠠ ᠰᠠᠷᠠ ᠶᠢᠨ ᠪᠦᠬᠡ ᠨᠠᠷ ᠭᠠᠯ ᠤᠨ | ᠶᠢᠰᠤᠨ ᠲᠡᠭᠷᠢ ᠪᠤᠢ ᠭᠡᠵᠤ ᠦᠵᠡᠳᠡᠭ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠭᠠᠯ ᠭᠤᠯᠤᠮᠲᠠ ᠶᠢᠨ ᠤᠶᠢᠷᠠ ᠡᠬᠡ ᠬᠦᠮᠦᠨ ᠲᠦᠷᠦᠳᠡᠭ ᠦᠭᠡᠢ᠂ ᠲᠤᠰᠠᠭᠠᠷᠯᠠᠵᠤ ᠪᠠᠶᠢᠵᠤ | ᠲᠦᠷᠦᠭᠦᠯᠦᠭᠡᠳ7᠂ 9᠂ 21 ᠬᠤᠨᠤᠭ ᠳᠡᠭᠡᠷᠡ ᠶᠤᠰᠤ ᠲᠦᠷᠦ ᠲᠠᠢ ᠭᠡᠷ ᠲᠤᠨᠢ ᠤᠷᠤᠭᠤᠯᠵᠤ ᠢᠷᠡᠳᠡᠭ᠃ | ᠭᠠᠯ ᠭᠤᠯᠤᠮᠳᠠ ᠶᠢᠨ ᠴᠡᠭᠡᠷ ᠶᠤᠰᠤᠨ ᠠᠴᠠ—— ᠬᠢᠲᠤᠭᠠ ᠶᠢ ᠢᠷ ᠢᠶᠠᠷ ᠨᠢ ᠭᠠᠯ ᠳᠤ ᠬᠦᠷᠭᠡᠬᠦ᠂ | ᠮᠦᠨ ᠲᠡᠭᠦᠨᠴᠢᠯᠡᠨ ᠬᠢᠲᠤᠭᠠ ᠪᠠᠷ ᠲᠤᠭᠤᠭᠠᠨ ᠳᠤᠲᠤᠷᠠ ᠠᠴᠠ ᠮᠢᠬᠠ ᠠᠪᠬᠤ ᠪᠤᠶᠤ ᠲᠤᠭᠤᠭᠠᠨ ᠳᠤ ᠮᠢᠬᠠ | ᠡᠷᠬᠢᠭᠦᠯᠬᠦ ᠮᠡᠲᠦ ᠶᠢ ᠪᠦᠷ ᠴᠡᠭᠡᠷᠯᠡᠳᠡᠭ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠠᠷᠭᠠᠯ ᠰᠠᠪᠠ ᠳᠡᠭᠡᠷᠡ ᠰᠠᠨᠳᠠᠶᠢᠯᠠᠵᠤ ᠰᠠᠭᠤᠬᠤ᠂ | ᠭᠠᠯ ᠤᠨ ᠬᠠᠶᠢᠴᠢ ᠶᠢ ᠭᠢᠰᠭᠢᠬᠦ᠂ ᠤᠤᠷ ᠰᠦᠬᠡ ᠳᠡᠭᠡᠭᠦᠷ ᠬᠤᠷᠮᠤᠢ ᠬᠤᠳᠠ ᠪᠠᠨ ᠭᠠᠷᠭᠠᠬᠤ ᠶᠢ ᠮᠦᠨ ᠴᠡᠭᠡᠷᠯᠡᠨᠡ᠃ | ᠢᠩᠭᠢᠵᠤ ᠴᠡᠭᠡᠷᠯᠡᠳᠡᠭ ᠤᠨ ᠤᠴᠢᠷ ᠨᠢ ᠡᠳᠡᠭᠡᠷ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠪᠤᠯᠤᠨ ᠠᠵᠢᠯᠯᠠᠭᠠ ᠨᠢ ᠭᠠᠯ ᠪᠠ ᠭᠤᠯᠤᠮᠳᠠ | ᠲᠠᠢ ᠬᠤᠯᠪᠤᠭᠳᠠᠵᠤ ᠪᠠᠶᠢᠳᠠᠭ ᠲᠤ ᠤᠷᠤᠰᠢᠨᠠ᠃ | ᠭᠠᠯ ᠭᠤᠯᠤᠮᠳᠠ ᠦᠭᠡᠳᠡ ᠬᠠᠷᠠ ᠤᠰᠤ ᠰᠠᠴᠤᠬᠤ᠂ ᠨᠢᠯᠪᠤᠬᠤ᠂ ᠪᠤᠵᠠᠷ ᠶᠠᠭᠤᠮᠠ ᠬᠠᠶᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ | ᠃ ᠬᠤᠷᠠᠭᠠ ᠬᠦᠩᠭᠡᠯᠡᠬᠦ ᠳᠤ ᠬᠤᠰᠤᠨ ᠪᠠᠭᠠᠨᠠ ᠳᠡᠷᠭᠡᠳᠡ ᠪᠠᠨ ᠳᠠᠯᠪᠢᠳᠠᠭ᠂ ᠡᠨᠡ ᠨᠢ ᠭᠡᠷ ᠤᠨ ᠭᠠᠯ ᠭᠤᠯᠤᠮᠲᠠ | ᠶᠢ ᠪᠡᠯᠭᠡᠳᠡᠵᠤ ᠪᠤᠢ ᠬᠡᠷᠡᠭ᠃ | ᠭᠠᠯ ᠭᠤᠯᠤᠮᠲᠠ ᠶᠢ ᠤᠤᠭᠠᠨ ᠬᠦᠦ ᠵᠠᠯᠭᠠᠵᠤ ᠠᠪᠳᠠᠭ᠃ ᠬᠦᠦ ᠦᠭᠡᠢ ᠪᠤᠯ ᠠᠴᠢ ᠨᠢ ᠵᠠᠯᠭᠠᠮᠵᠢᠯᠠᠨᠠ᠃ | ᠠᠴᠢ ᠦᠭᠡᠢ ᠪᠤᠯ ᠭᠠᠯ ᠳᠡᠭᠡᠷᠡ ᠭᠠᠷᠤᠭᠰᠠᠨ ᠵᠢᠭᠡ ᠨᠢ ᠭᠠᠯ ᠭᠤᠯᠤᠮᠲᠠ ᠶᠢ ᠬᠠᠳᠠᠭᠠᠯᠠᠬᠤ ᠶᠤᠰᠤᠲᠠᠢ᠃ | ᠮᠤᠩᠭᠤᠯ ᠬᠦᠮᠦᠨ ᠠᠶᠢᠯ ᠳᠤ ᠤᠴᠢᠪᠠᠯ ᠲᠡᠷᠡ ᠠᠶᠢᠯ ᠤᠨ ᠢᠵᠠᠭᠤᠷ ᠳᠡᠭᠡᠳᠦᠰ᠂ ᠭᠡᠷ ᠤᠨ ᠡᠵᠡᠨ ᠢ | ᠬᠦᠨᠳᠦᠳᠭᠡᠨ ᠦᠵᠡᠵᠤ᠂ ᠭᠠᠯ ᠭᠤᠯᠤᠮᠲᠠ ᠶᠢᠨ ᠬᠢᠨᠢ ᠴᠡᠭᠡᠷ ᠶᠤᠰᠤ ᠶᠢ ᠨᠠᠨᠳᠢᠩᠨᠠᠨ ᠰᠠᠬᠢᠵᠤ᠂ ᠦᠷᠡ ᠬᠡᠦᠬᠡᠳ | ᠲᠡᠭᠡᠨ ᠴᠤ ᠴᠠᠭ ᠦᠷᠭᠦᠯᠵᠢ ᠤᠳᠤᠮ ᠤᠭᠰᠠᠭᠠᠨ ᠤ ᠬᠢ ᠪᠠᠨ ᠶᠤᠰᠤ ᠰᠤᠷᠲᠠᠯ ᠢ ᠰᠤᠷᠭᠠᠵᠤᠬᠦ᠋ᠮᠦᠵᠢᠬᠦᠯᠦᠭᠰᠡᠭᠡᠷ | ᠪᠠᠶᠢᠳᠠᠭ᠃ | | ︽ᠮᠤᠩᠭᠤᠯ ᠭᠡᠷ ᠪᠦᠯᠢ ᠶᠢᠨ ᠶᠤᠰᠤ ᠤᠯᠠᠮᠵᠢᠯᠠᠯ︾ ᠵᠤᠬᠢᠶᠠᠭᠴᠢ᠄ ᠲ᠊᠂ ᠨᠠᠮᠵᠢᠯ ︿ᠮᠤᠩᠭᠤᠯ﹀ | ᠪᠠᠭᠤᠯᠭᠠᠭᠴᠢ᠄ ᠭᠤ᠂ ᠴᠤᠭᠲᠤ |