| ᠪᠢ ᠮᠣᠩᠭᠤᠯ ᠤᠨ ᠬᠢ ᠪᠠᠶᠢᠬᠤ ᠤᠴᠢᠷᠳᠠᠢ︕ | ᠪᠣᠶᠢᠳᠤᠭ ᠤᠨ ᠮᠦᠷ ᠮᠢᠨᠢ ᠮᠤᠩᠭᠤᠯ ᠤᠨ ᠬᠠᠯᠠᠭᠤᠨ ᠬᠦᠷᠦᠰᠦᠨ ᠳᠤ ᠪᠤᠢ︕ | ᠪᠦᠯᠢᠶᠠᠨ ᠠᠮᠢᠰᠬᠤᠭᠠ ᠮᠢᠨᠢ ᠮᠤᠩᠭᠤᠯ ᠤᠨ ᠤᠷᠢᠬᠠᠨ ᠰᠠᠯᠬᠢᠨ ᠳᠤ ᠪᠤᠢ︕ | ᠪᠦᠳᠦᠨ ᠰᠠᠨᠠᠭᠠ ᠮᠢᠨᠢ ᠮᠤᠩᠭᠤᠯ ᠤᠨ ᠶᠡᠭᠡ ᠢᠷᠡᠭᠡᠳᠦᠢ ᠳᠤ ᠪᠤᠢ︕ | ᠪᠢ ᠮᠤᠩᠭᠤᠯ ᠤᠨ ᠬᠢ ᠯᠠ ᠪᠠᠶᠢᠬᠤ ᠤᠴᠢᠷᠳᠠᠢ︕ | | | ᠬᠠᠯᠬᠠ ᠮᠤᠩᠭᠤᠯ᠂ ᠢᠰᠡᠭᠡᠢ ᠲᠤᠭᠤᠷᠭᠠᠳᠠᠨ ᠳᠡᠭᠡᠳᠦᠰ ᠲᠠᠢ ᠪᠢᠯᠡ᠂ ᠪᠢ | ᠬᠠᠳᠤᠨ ᠲᠤᠤᠯᠠ᠂ ᠣᠨᠣᠨ ᠬᠡᠷᠦᠯᠦᠨ ᠨᠤᠲᠤᠭ ᠲᠠᠢ ᠪᠢᠯᠡ᠂ ᠪᠢ | ᠮᠣᠷᠢᠨ ᠵᠡᠯᠡ ᠠᠴᠠ ᠬᠠᠨᠠᠶᠢᠵᠤ ᠠᠯᠬᠤᠭᠰᠠᠨ ᠠᠪᠤ ᠲᠠᠢ ᠪᠢᠯᠡ᠂ ᠪᠢ | ᠦᠨᠢᠶᠡᠨ ᠵᠡᠯᠡᠨ ᠳᠤ ᠰᠠᠭᠠᠯᠢ ᠲᠦᠭᠦᠷᠭᠡᠭᠰᠡᠨ ᠡᠵᠢ ᠲᠠᠢ ᠪᠢᠯᠡ᠂ ᠪᠢ | ᠮᠤᠩᠭᠤᠯ ᠭᠡᠷ ᠤᠨ ᠬᠠᠶᠠᠭᠠ ᠰᠢᠭᠤᠭᠰᠠᠨ ᠠᠬᠤᠢ ᠲᠠᠢ ᠪᠢᠯᠡ᠂ ᠪᠢ | ᠮᠣᠩ ᠦᠭᠡᠢ ᠠᠯᠤᠰ ᠲᠤ ᠬᠠᠷᠠᠭᠠ ᠲᠡᠯᠡᠭᠰᠡᠨ ᠲᠠᠯᠠ ᠲᠠᠢ ᠪᠢᠯᠡ᠂ ᠪᠢ | ᠨᠠᠭᠠᠳᠤᠮ ᠦᠩᠭᠡᠯᠡᠵᠦ ᠬᠤᠷᠳᠤᠯᠠᠭᠰᠠᠨ ᠬᠦᠯᠦᠭ ᠲᠠᠢ ᠪᠢᠯᠡ᠂ ᠪᠢ | ᠨᠠᠷᠠ ᠬᠤᠷᠮᠤᠶᠢᠯᠠᠵᠤ ᠨᠠᠯᠠᠶᠢᠭᠰᠠᠨ ᠡᠩᠬᠡ ᠣᠷᠣᠨ ᠲᠠᠢ ᠪᠢᠯᠡ᠂ ᠪᠢ | | | ᠪᠢ ᠮᠤᠩᠭᠤᠯ ᠤᠨ ᠬᠢ ᠪᠠᠶᠢᠬᠤ ᠤᠴᠢᠷᠳᠠᠢ︕ | ᠪᠣᠶᠢᠳᠤᠭ ᠤᠨ ᠮᠦᠷ ᠮᠢᠨᠢ ᠮᠤᠩᠭᠤᠯ ᠤᠨ ᠬᠠᠯᠠᠭᠤᠨ ᠬᠦᠷᠦᠰᠦᠨ ᠳᠤ ᠪᠤᠢ︕ | ᠪᠦᠯᠢᠶᠠᠨ ᠠᠮᠢᠰᠬᠤᠭᠠ ᠮᠢᠨᠢ ᠮᠤᠩᠭᠤᠯ ᠤᠨ ᠤᠷᠢᠬᠠᠨ ᠰᠠᠯᠬᠢᠨ ᠳᠤ ᠪᠤᠢ︕ | ᠪᠦᠳᠦᠨ ᠰᠠᠨᠠᠭᠠ ᠮᠢᠨᠢ ᠮᠤᠩᠭᠤᠯ ᠤᠨ ᠶᠡᠭᠡ ᠢᠷᠡᠭᠡᠳᠦᠢ ᠳᠤ ᠪᠤᠢ︕ | ᠪᠢ ᠮᠤᠩᠭᠤᠯ ᠤᠨ ᠬᠢ ᠯᠠ ᠪᠠᠶᠢᠬᠤ ᠤᠴᠢᠷᠳᠠᠢ︕ | | | ᠵᠣᠬᠢᠶᠠᠭᠴᠢ ᠶᠢᠨ ᠲᠠᠨᠢᠯᠴᠠᠭᠤᠯᠭᠠ | ᠠ᠊· ᠣᠳᠬᠠᠨᠪᠠᠶᠠᠷ᠄ 1974ᠣᠨ ᠳᠤ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠲᠤ ᠬᠤᠰᠢᠭᠤᠨ ᠤ ᠪᠠᠶᠠᠨᠵᠢᠷᠦᠭᠡ | ᠰᠤᠮᠤᠨ ᠳᠤ ᠠᠳᠤᠭᠤᠳ ᠤᠨ ᠪᠠᠷᠠ ᠲᠠᠢ ᠢᠰᠭᠢᠷᠴᠦ ᠶᠠᠪᠤᠭᠰᠠᠨ ᠠᠪᠤ᠂ ᠰᠠᠭᠠᠯᠢ ᠪᠢᠯᠬᠠᠭᠤᠯᠵᠤ ᠬᠡᠤᠬᠡᠳ ᠤᠨ ᠢᠶᠠᠨ | ᠲᠡᠭᠷᠢ ᠳᠤ ᠬᠠᠶᠢᠷᠠ ᠶᠢᠨ ᠪᠦᠤᠪᠡᠢ ᠲᠠᠢ ᠶᠠᠪᠤᠭᠰᠠᠨ ᠡᠵᠢ ᠶᠢᠨ ᠢᠶᠠᠨ ᠵᠢᠷᠭᠤᠳᠠᠬᠢ ᠦᠷᠡ ᠨᠢ ᠪᠣᠯᠵᠤ ᠵᠠᠶᠠᠭᠠᠪᠠ᠃ | 1996 ᠣᠨ ᠳᠤ ᠤᠯᠠᠭᠠᠨᠴᠠᠪ ᠤᠨ ᠮᠤᠩᠭᠤᠯ ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠠᠴᠠ ᠲᠡᠭᠦᠰᠴᠦ ᠰᠤᠮᠤᠨ ᠳᠠᠭᠠᠨ | ᠬᠠᠷᠢᠵᠤ ᠪᠠᠭᠰᠢᠯᠠᠪᠠ᠃2008 ᠣᠨ ᠳᠤ ᠬᠤᠰᠢᠭᠤᠨ ᠤ ᠦᠨᠳᠦᠰᠦᠳᠡᠨ ᠤ ᠱᠠᠰᠢᠨ ᠰᠤᠷᠲᠠᠬᠤᠨ ᠤ ᠬᠡᠷᠡᠭ | ᠡᠷᠬᠢᠯᠡᠬᠦ ᠲᠤᠪᠴᠢᠶᠠᠨ ᠳᠤ ᠠᠵᠢᠯ ᠰᠢᠯᠵᠢᠵᠦ ᠠᠵᠢᠯᠯᠠᠵᠤ ᠪᠠᠶᠢᠭᠰᠠᠨ ᠢᠶᠠᠨ2014 ᠣᠨ ᠳᠤ ᠮᠢᠩᠭᠠᠨ ᠪᠠᠯᠭᠠᠰᠤᠨ ᠤ | ᠬᠠᠰᠠᠷ ᠲᠠᠬᠢᠯᠭᠠ ᠶᠢᠨ ᠣᠷᠳᠤᠨ ᠤ ᠬᠠᠮᠢᠶᠠᠷᠤᠯᠲᠠ ᠶᠢᠨ ᠲᠦᠪ ᠤᠨ ᠳᠠᠷᠤᠭᠠ ᠪᠠᠷ ᠲᠣᠮᠢᠯᠠᠭᠳᠠᠵᠤ ᠣᠳᠤ ᠪᠣᠯᠲᠠᠯᠠ | ᠠᠵᠢᠯᠯᠠᠭᠰᠠᠭᠠᠷ ᠪᠠᠶᠢᠨᠠ᠃ |