| ᠬᠦᠳᠡᠭᠡ ᠶᠢᠨ ᠪᠠᠶᠢᠳᠠᠯ ᠱᠠᠯᠳᠠᠷ ᠪᠤᠯᠳᠠᠷ᠂ ᠴᠠᠭ ᠤᠨ ᠤᠯᠠᠷᠢᠯ ᠣᠷᠤᠭᠠ ᠪᠤᠰᠬᠠᠭᠠ᠂ ᠡᠯᠡᠰᠦ ᠲᠠᠢ ᠱᠠᠩᠳᠤ | ᠪᠤᠲᠠ ᠲᠠᠢ ᠴᠠᠶᠢᠳᠠᠮ ᠢ ᠳᠠᠭᠠᠵᠤ᠂ ᠬᠠᠶᠠ ᠨᠢᠭᠡ ᠬᠠᠷᠠ ᠭᠡᠷ ᠠᠴᠠ ᠤᠲᠤᠭᠠ ᠰᠤᠭᠤᠨᠠᠭᠯᠠᠨᠠ᠃ ᠳᠥᠷᠪᠡᠨ ᠵᠥᠭ | ᠴᠡᠪ ᠴᠡᠯᠡᠶᠢᠨ ᠤᠶᠢᠳᠬᠠᠷ ᠲᠠᠢ᠂ ᠴᠠᠭᠠᠨ ᠤᠨᠢᠶᠠᠷ ᠲᠤᠨᠤᠨᠠ᠃ ᠵᠤᠨ ᠤ ᠯᠦᠭᠬᠢᠮᠡ ᠬᠠᠯᠠᠭᠤᠨ ᠢᠰᠡᠭᠡᠢ ᠭᠡᠨᠷ ᠢ | ᠰᠢᠷᠠᠵᠤ ᠮᠠᠯᠴᠢᠨ ᠬᠥᠮᠥᠨ ᠤ ᠰᠡᠳᠬᠢᠯ ᠢ ᠪᠣᠬᠢᠨᠢᠳᠤᠭᠤᠯᠤᠨᠠ᠃ ᠠᠶᠢᠯ ᠤᠨ ᠬᠠᠶᠠᠭᠠ ᠪᠠᠷ ᠦᠬᠡᠷ ᠤᠨ ᠪᠠᠭᠠᠰᠤ | ᠦᠷᠭᠦᠯᠵᠢᠯᠡᠵᠡᠢ᠃ ᠡᠭᠦᠨ ᠢᠶᠠᠷ ᠲᠡᠭᠦᠨ ᠢᠶᠠᠷ ᠬᠡᠳᠦᠨ ᠲᠤᠭᠤᠯ ᠣᠭᠤᠳᠤᠩᠨᠠᠨ ᠳᠠᠪᠬᠢᠨᠠ᠃ ᠬᠥᠯ ᠳᠤ | ᠣᠷᠤᠬᠤ ᠠᠴᠠ ᠠᠪᠤᠭᠠᠳ ᠦᠰᠦ ᠴᠠᠶᠢᠬᠤ ᠬᠦᠷᠲᠡᠯᠡ ᠨᠢᠭᠡ ᠭᠤᠣᠯ ᠢ ᠥᠭᠰᠦᠨ ᠤᠷᠤᠭᠤᠳᠠᠨ ᠨᠡᠭᠦᠵᠦ᠂ ᠨᠢᠭᠡ | ᠬᠤᠳᠳᠤᠭ ᠢ ᠡᠷᠭᠢᠨ ᠲᠣᠭᠤᠷᠢᠨ ᠨᠤᠲᠤᠭᠯᠠᠭᠰᠠᠭᠠᠷ ᠡᠨᠡ ᠬᠦ ᠶᠢᠷᠲᠢᠨᠴᠦ ᠶᠢ ᠡᠴᠦᠰᠯᠡᠨᠡ᠃ ᠭᠠᠪᠵᠤ ᠵᠠᠪᠠᠯ | ᠬᠤᠶᠢᠮᠤᠷ ᠰᠠᠭᠤᠵᠤ ᠪᠣᠷᠬᠠᠨ ᠨᠣᠮ ᠭᠡᠵᠦ ᠪᠤᠷᠤᠭᠤ ᠵᠥᠪ ᠴᠠᠯᠴᠢᠬᠤ ᠪᠠ ᠵᠠᠶᠢᠰᠠᠩ ᠨᠠᠮᠵᠢᠯ ᠭᠠᠳᠠᠨᠠ ᠠᠴᠠ | ᠢᠷᠡᠵᠦ ᠬᠠᠤᠯᠢ ᠶᠣᠰᠤ ᠭᠡᠵᠦ ᠬᠤᠳᠠᠯ ᠦᠨᠡᠨ ᠶᠠᠷᠢᠬᠤ ᠶᠢ ᠰᠣᠨᠣᠰᠤᠭᠰᠠᠭᠠᠷ ᠡᠳᠦᠷ ᠰᠠᠷᠠ ᠶᠢ ᠤᠯᠠᠷᠢᠭᠤᠯᠤᠨᠠ᠃ | ᠲᠡᠷᠲᠡᠭᠡ ᠠᠭᠤᠯᠠ ᠶᠢ ᠥᠩᠭᠡᠷᠡᠪᠡᠯ ᠠᠭᠤᠯᠠ ᠦᠭᠡᠢ ᠭᠡᠵᠦ ᠪᠣᠳᠤᠵᠤ᠂ ᠲᠡᠭᠷᠢ ᠶᠢᠨ ᠬᠠᠶᠠᠭᠠᠨ ᠠᠴᠠ ᠴᠠᠭᠠᠰᠢ ᠭᠠᠵᠠᠷ | ᠦᠭᠡᠢ ᠭᠡᠵᠦ ᠰᠡᠳᠬᠢᠭᠰᠡᠭᠡᠷ ᠲᠦᠮᠡᠨ ᠬᠡᠷᠡᠭ ᠠᠴᠠ ᠬᠤᠴᠤᠷᠠᠵᠤ᠂ ᠳᠡᠯᠡᠬᠡᠢ ᠶᠢᠨ ᠪᠣᠯᠪᠠᠰᠤᠷᠠᠯ ᠠᠴᠠ ᠭᠡᠭᠡᠭᠳᠡᠨᠡ᠃ | ᠭᠠᠭᠴᠠ ᠬᠦ ᠥᠷᠯᠦᠭᠡ ᠪᠤᠷᠬᠠᠨ ᠳᠤ ᠵᠠᠯᠪᠠᠷᠢᠵᠤ᠂ ᠦᠳᠡᠰᠢ ᠲᠡᠭᠷᠢ ᠳᠤ ᠮᠥᠷᠭᠦᠭᠰᠡᠭᠡᠷ ᠨᠢᠭᠡ ᠨᠠᠰᠤ ᠶᠢ ᠪᠠᠷᠠᠨᠠ᠃ | ᠬᠠᠭᠤᠴᠢᠨ ᠬᠦᠦ ᠬᠤᠯᠠ ᠮᠣᠷᠢᠨ ᠳᠡᠭᠡᠷᠡ ᠪᠠᠨ ᠬᠥᠨᠳᠡᠯᠡᠨ ᠰᠠᠭᠤᠵᠤ ᠬᠠᠲᠠᠷᠢᠭᠤᠯᠤᠭᠰᠠᠭᠠᠷ ᠬᠦᠷᠴᠦ ᠢᠷᠡᠪᠡ | ᠃ ᠴᠠᠭᠠᠨ ᠳᠠᠪᠤᠤ ᠠᠯᠴᠢᠭᠤᠷ ᠢᠶᠠᠷ ᠲᠣᠯᠤᠭᠠᠢ ᠪᠠᠨ ᠣᠷᠢᠶᠠᠵᠠᠢ᠃ ᠰᠢᠷᠢᠯᠳᠦᠭᠰᠡᠨ ᠬᠠᠷᠠ ᠭᠡᠵᠢᠭᠡ ᠶᠢᠨ | ᠰᠡᠷᠪᠡᠶᠢᠭᠰᠡᠨ ᠬᠡᠳᠦᠨ ᠦᠰᠦ ᠨᠢ ᠰᠢᠨᠠ ᠤᠷᠤᠭᠤ ᠨᠢ ᠤᠨᠵᠢᠢᠨᠠ᠃ ᠤᠷᠠᠭᠳᠠᠵᠤ ᠨᠠᠪᠲᠠᠷᠠᠭᠰᠠᠨ ᠬᠠᠷᠠ ᠬᠠᠨᠴᠤ ᠶᠢ | ᠰᠤᠭᠤᠯᠳᠤᠷᠭᠠᠯᠠᠵᠤ᠂ ᠭᠬᠢᠷᠲᠦᠵᠦ ᠰᠠᠭᠠᠷᠢᠲᠤᠭᠰᠠᠨ ᠪᠣᠷᠤ ᠲᠣᠬᠤᠢ ᠭᠠᠷᠭᠠᠵᠠᠢ᠃ ᠳᠠᠪ ᠬᠢᠭᠡᠳ ᠮᠣᠷᠢᠨ ᠠᠴᠠ ᠪᠠᠨ | ᠪᠠᠭᠤᠨ᠂ ᠲᠠᠰ ᠬᠢᠲᠡᠯᠡ ᠵᠢᠯᠣᠭᠤ ᠪᠠᠨ ᠰᠤᠶᠢᠭᠠᠳ ᠲᠣᠰᠤᠨ ᠳᠤ ᠳᠠᠷᠤᠭᠳᠠᠭᠰᠠᠨ ᠤᠷᠲᠤ ᠬᠤᠷᠮᠤᠢ ᠪᠠᠷ ᠢᠶᠠᠨ | ᠨᠠᠷᠠᠨ ᠳᠤ ᠰᠢᠷᠠᠭᠳᠠᠭᠰᠠᠨ ᠨᠢᠭᠤᠷ ᠤᠨ ᠢᠶᠠᠨ ᠬᠥᠯᠦᠰᠦ ᠶᠢ ᠠᠷᠴᠢᠵᠤ ᠭᠡᠷ ᠲᠤ ᠣᠷᠤᠪᠠ᠃ | ᠪᠠᠯᠳᠠᠨ ᠤ ᠢᠰᠡᠭᠡᠢ ᠪᠠᠨ ᠬᠢᠵᠦ ᠪᠠᠶᠢᠨᠠ᠃ ᠴᠠᠩᠳᠠ ᠶᠢᠨ ᠬᠢ ᠬᠤᠨᠢ ᠪᠠᠨ ᠬᠤᠵᠢᠷᠯᠠᠵᠤ ᠪᠠᠶᠢᠨᠠ᠃ ᠳᠠᠮᠪᠠ | ᠮᠣᠷᠢ ᠪᠠᠨ ᠡᠷᠢᠬᠦ ᠪᠠᠷ ᠶᠠᠪᠤᠭᠰᠠᠨ᠂ ᠭᠤᠮᠪᠤ ᠬᠠᠩᠭᠠᠢ ᠣᠷᠤᠭᠠᠳ ᠢᠷᠡᠭᠰᠡᠨ ᠭᠡᠬᠦ ᠵᠡᠷᠭᠡ ᠶᠡᠷᠦ ᠶᠢᠨ ᠬᠡᠳᠦᠨ | ᠦᠭᠡ ᠶᠢ ᠠᠬᠠ ᠵᠠᠬᠠ ᠬᠦᠮᠦᠰ ᠲᠤ ᠪᠠᠨ ᠰᠣᠨᠢᠨ ᠪᠣᠯᠭᠠᠨ ᠶᠠᠷᠢᠵᠤ᠂ ᠭᠠᠪᠵᠢ ᠭᠤᠸᠠᠢ ᠭᠡᠵᠦ ᠳᠣᠣᠭᠤᠷ ᠬᠠᠷᠠᠨ᠂ | ᠵᠠᠶᠢᠰᠠᠩ ᠭᠤᠸᠠᠢ ᠭᠡᠵᠦ ᠳᠣᠷᠤᠢ ᠳᠤᠤᠭᠠᠷᠤᠭᠰᠠᠭᠠᠷ ᠵᠤᠤᠬᠠᠨ ᠤ ᠬᠠᠵᠠᠭᠤ ᠳᠤ ᠰᠠᠭᠤᠨᠠ᠃ ᠠᠪᠠᠭᠠᠢ | ᠬᠡᠦᠬᠡᠳ ᠠᠴᠠ ᠠᠶᠠᠭᠠ ᠲᠠᠷᠠᠭ᠂ ᠬᠡᠰᠡᠭ ᠬᠤᠰᠤᠮ ᠣᠯᠵᠤ ᠢᠳᠡᠭᠡᠳ᠂ ᠲᠡᠨᠳᠡ ᠠᠴᠠ ᠭᠠᠷᠴᠤ ᠪᠠᠶᠠᠨ | ᠪᠠᠯᠵᠢᠷ ᠤᠨ ᠳᠤ ᠤᠨᠠᠭᠠ ᠲᠠᠲᠠᠵᠤ ᠥᠭᠴᠦ᠂ ᠠᠶᠢᠷᠠᠭ ᠣᠯᠵᠤ ᠤᠤᠭᠤᠭᠠᠳ ᠨᠢᠭᠡ ᠦᠳᠡ ᠶᠢ ᠥᠩᠭᠡᠷᠡᠭᠦᠯᠦᠨᠡ᠃ | ᠳᠠᠨᠳᠤᠪ ᠲᠠᠶᠢᠵᠢ ᠶᠢᠨ ᠳᠤ ᠬᠤᠨᠢ ᠬᠢᠷᠭᠠᠨ ᠥᠭᠴᠦ᠂ ᠭᠡᠳᠡᠰᠦ ᠣᠯᠵᠤ ᠢᠳᠡᠨ ᠨᠢᠭᠡ ᠦᠳᠡᠰᠢ ᠶᠢ ᠳᠠᠭᠤᠰᠬᠠᠨᠠ᠃ | ᠬᠡᠳᠦᠶᠢᠪᠡᠷ ᠤᠬᠠᠭᠠᠨ ᠰᠡᠷᠭᠦᠯᠡᠩ ᠪᠣᠯᠪᠠᠴᠤ ᠵᠡᠭᠦᠨ ᠬᠤᠰᠢᠭᠤᠨ ᠤ ᠵᠠᠬᠠ ᠳᠤ ᠬᠦᠷᠦᠭᠰᠡᠨ ᠦᠭᠡᠢ᠂ | ᠪᠠᠷᠠᠭᠤᠨ ᠮᠥᠷᠡᠨ ᠤ ᠲᠡᠷᠲᠡᠭᠡ ᠭᠠᠷᠤᠭᠰᠠᠨ ᠦᠭᠡᠢ᠂ ᠵᠥᠪᠬᠡᠨ ᠭᠤᠷᠪᠠ ᠳᠦᠷᠪᠡᠨ ᠥᠷᠲᠡᠭᠡ᠂ ᠡᠷᠭᠢᠨ | ᠲᠣᠭᠤᠷᠢᠨ ᠤ ᠭᠠᠵᠠᠷ ᠤᠨ ᠳᠣᠲᠤᠷᠠ ᠣᠷᠤᠰᠢᠨ ᠰᠠᠭᠤᠭᠰᠠᠨ ᠲᠤᠯᠠ ᠶᠠᠭᠤ ᠦᠵᠡᠵᠦ ᠮᠡᠳᠡᠵᠦ᠂ ᠶᠠᠭᠤ ᠣᠯᠵᠤ | ᠰᠣᠨᠤᠰᠬᠤ ᠠᠵᠢ᠃ ᠨᠠᠰᠤ ᠬᠡᠳᠦᠶᠢᠪᠡᠷ ᠵᠠᠯᠠᠭᠤ ᠪᠤᠯᠪᠠᠴᠤ ᠦᠭᠡᠶᠢᠭᠦᠦ ᠶᠠᠳᠠᠭᠤ᠂ ᠥᠨᠦᠴᠢᠨ ᠪᠠᠯᠴᠢᠷ ᠲᠤᠯᠠ | ᠨᠤᠲᠤᠭ ᠰᠣᠶᠢᠮᠤ ᠶᠢᠨ ᠬᠡᠳᠦᠨ ᠠᠶᠢᠯ ᠳᠤ ᠡᠭᠡᠯᠵᠢᠯᠡᠨ ᠵᠠᠷᠤᠭᠳᠠᠭᠰᠠᠭᠠᠷ ᠣᠯᠢᠭ ᠲᠠᠢ ᠠᠵᠤ ᠠᠮᠢᠳᠤᠷᠠᠯ ᠤᠨ ᠵᠠᠮ ᠢ | ᠨᠢᠭᠡᠨᠲᠡ ᠠᠯᠳᠠᠵᠠᠢ᠃ | ᠡᠪᠦᠯ ᠤᠨ ᠬᠦᠢᠲᠡᠨ ᠢ ᠠᠳᠤᠭᠤ ᠮᠠᠨᠠᠵᠤ ᠥᠩᠭᠡᠷᠡᠭᠦᠯᠵᠤ᠂ ᠵᠤᠨ ᠤ ᠬᠠᠯᠠᠭᠤᠨ ᠢ ᠬᠤᠨᠢ ᠬᠠᠷᠢᠭᠤᠯᠵᠤ | ᠬᠡᠲᠦᠯᠬᠦ ᠪᠦᠭᠡᠳ᠂ ᠨᠠᠮᠤᠷ ᠢᠴᠡᠵᠤ᠂ ᠬᠠᠪᠤᠷ ᠭᠠᠷᠤᠭᠴᠢ ᠲᠠᠷᠪᠠᠭᠠᠨ ᠠᠴᠠ ᠵᠣᠪᠠᠯᠠᠩ ᠲᠠᠢ ᠪᠠᠷ ᠣᠨ ᠵᠢᠯ ᠢ | ᠨᠥᠭᠴᠢᠭᠡᠨᠡ᠃ | ᠡᠪᠦᠭᠡᠳ ᠬᠥᠭᠰᠢᠳ ᠤᠨ ᠦᠭᠡᠨ ᠠᠴᠠ ᠥᠭᠡᠷᠡ ᠦᠨᠡᠨ ᠶᠠᠭᠤᠮᠠ ᠦᠭᠡᠢ᠂ ᠡᠪᠦᠯᠵᠢᠶᠡ ᠵᠤᠰᠠᠯᠠᠩ | ᠬᠠᠪᠤᠷᠵᠢᠶᠠ ᠨᠠᠮᠤᠷᠵᠢᠶᠠ ᠡᠨᠡ ᠳᠥᠷᠪᠡ ᠠᠴᠠ ᠴᠢᠨᠠᠭᠰᠢ ᠶᠠᠪᠤᠬᠤ ᠭᠠᠵᠠᠷ ᠦᠭᠡᠢ ᠭᠡᠵᠤ ᠰᠠᠨᠠᠵᠤ᠂ ᠬᠥᠮᠦᠷᠢᠭᠰᠡᠨ | ᠲᠣᠭᠤᠭᠠᠨ ᠤ ᠳᠣᠲᠤᠷᠠᠬᠢ ᠲᠠᠢ ᠠᠳᠠᠯᠢ ᠬᠦᠳᠡᠭᠡ ᠶᠢᠨ ᠪᠦᠳᠦᠭᠦᠯᠢᠭ ᠪᠠᠶᠢᠳᠠᠯ ᠳᠤ ᠬᠥᠮᠦᠵᠢᠨᠡ᠃ ᠶᠠᠭᠤᠲᠠᠢ | ᠭᠤᠮᠤᠳᠠᠯ ᠲᠠᠢ ᠵᠡᠷᠯᠢᠭ ᠠᠮᠢᠳᠤᠷᠠᠯ᠂ ᠶᠠᠭᠤ ᠲᠠᠢ ᠬᠠᠶᠢᠷᠠᠯᠠᠯ ᠲᠠᠢ ᠵᠠᠯᠠᠭᠤ ᠨᠠᠰᠤ ᠪᠣᠢ︕ ᠶᠠᠭᠤᠨ ᠳᠤ ᠰᠢᠨᠡ | ᠶᠢᠷᠲᠢᠨᠴᠦ ᠶᠢ ᠦᠵᠡᠬᠦ ᠶᠢ ᠥᠯᠦ ᠬᠦᠰᠡᠨᠡ ᠪᠤᠢ︕ | ᠬᠥᠮᠦᠵᠢᠯ ᠤᠨ ᠡᠶᠢᠮᠦ ᠭᠤᠨᠢᠬᠠᠷᠠᠯ ᠲᠠᠢ ᠪᠠᠶᠢᠳᠠᠯ ᠢ ᠬᠠᠭᠤᠴᠢᠨ ᠬᠦᠦ ᠥᠪᠡᠷ ᠢᠶᠠᠨ ᠶᠠᠭᠠᠬᠢᠵᠤ ᠴᠦ ᠮᠡᠳᠡᠬᠦ | ᠪᠢᠯᠡ ᠳ᠋ᠡ᠂ ᠬᠠᠭᠤᠴᠢᠨ ᠹᠸᠣᠳᠠᠯ ᠪᠠ ᠯᠠᠮᠠ ᠨᠠᠷ ᠤᠨ ᠭᠠᠢ ᠶᠢ ᠬᠡᠷᠬᠢᠨ ᠲᠠᠨᠢᠬᠤ ᠪᠢᠯᠡ ᠳ᠋ᠠ︕ ᠲᠡᠶᠢᠮᠦ ᠯᠠ | ᠳᠠᠳᠤᠭᠰᠠᠨ ᠪᠠᠶᠢᠳᠠᠯ ᠳᠤ ᠠᠪᠲᠠᠭᠳᠠᠵᠤ᠂ ᠵᠣᠪᠠᠯᠠᠩ ᠨᠢ ᠵᠢᠷᠭᠠᠯ᠂ ᠵᠡᠷᠯᠢᠭ ᠨᠢ ᠴᠡᠩᠬᠡᠯ ᠪᠣᠯᠤᠭᠠᠳ ᠨᠢᠭᠡ ᠣᠯᠣᠰ | ᠶᠡᠬᠡᠩᠬᠢ ᠳᠡᠭᠡᠨ ᠬᠠᠭᠤᠴᠢᠨ ᠬᠦᠦ ᠶᠢᠨ ᠠᠳᠠᠯᠢ ᠨᠢᠳᠦ ᠪᠠᠨ ᠠᠨᠢᠵᠦ᠂ ᠴᠢᠬᠢ ᠪᠠᠨ ᠪᠥᠭᠯᠡᠨ᠂ ᠶᠢᠷᠲᠢᠨᠴᠦ ᠭᠡᠭᠴᠢ | ᠴᠣᠬᠤᠮ ᠶᠠᠭᠤ ᠪᠣᠯᠬᠤ ᠶᠢ ᠦᠵᠡᠯ ᠦᠭᠡᠢ᠂ ᠮᠡᠳᠡᠯ ᠦᠭᠡᠢ᠂ ᠬᠥᠨᠳᠡᠢ ᠲᠠᠯᠠ ᠳᠤ ᠬᠤᠭᠤᠰᠤᠭᠠᠷ | ᠬᠤᠴᠤᠷᠤᠭᠳᠠᠬᠤ ᠳᠤ ᠲᠤᠯᠵᠠᠢ᠃ ᠭᠡᠲᠡᠯᠡ ᠬᠠᠭᠤᠴᠢᠨ ᠬᠦᠦ ᠶᠢᠨ ᠨᠢᠭᠡ ᠨᠦᠬᠦᠷ ᠨᠢ ᠬᠤᠪᠢᠰᠬᠠᠯ ᠤᠨ ᠫᠤᠤ ᠶᠢ | ᠲᠠᠯᠪᠢᠭᠰᠠᠨ ᠡᠳᠦᠷ ᠠᠴᠠ ᠡᠬᠢᠯᠡᠨ᠂ ᠬᠥᠮᠦᠷᠢᠭᠰᠡᠨ ᠲᠣᠭᠤᠭᠠᠨ ᠤ ᠳᠣᠲᠤᠷᠠ ᠭᠡᠷᠡᠯ ᠲᠤᠰᠴᠤ᠂ ᠨᠢᠭᠡ ᠠᠶᠢᠮᠠᠭ | ᠰᠡᠷᠡᠪᠡ᠃ ᠲᠡᠭᠷᠢ ᠶᠢᠨ ᠬᠠᠶᠠᠭᠠᠨ ᠠᠴᠠ ᠴᠢᠨᠠᠭᠰᠢ ᠭᠠᠵᠠᠷ ᠪᠠᠶᠢᠳᠠᠭ ᠢ ᠮᠡᠳᠡᠵᠦ᠂ ᠲᠠᠪᠢᠨ ᠳᠠᠯᠠᠢ ᠲᠠᠪᠤᠨ ᠲᠢᠪ ᠢ | ᠲᠠᠨᠢᠨ᠂ ᠰᠢᠨᠡ ᠶᠢᠷᠲᠢᠨᠴᠦ ᠳᠡᠭᠡᠷᠡ ᠬᠠᠨᠠᠲᠤ ᠶᠠᠪᠤᠬᠤ ᠵᠠᠮ ᠢ ᠨᠡᠬᠡᠭᠡᠪᠡ᠃ ᠬᠥᠬᠡ ᠮᠣᠩᠭᠤᠯ ᠤᠯᠠᠭᠠᠨ ᠮᠣᠩᠭᠤᠯ | ᠪᠣᠯᠪᠠ᠃ ᠬᠠᠭᠤᠴᠢᠨ ᠬᠦᠦ ᠰᠢᠨᠡ ᠬᠦᠦ ᠪᠣᠯᠪᠠ᠃ ᠶᠠᠭᠤᠲᠠᠢ ᠪᠠᠶᠠᠷ᠂ ᠶᠠᠭᠤᠲᠠᠢ ᠵᠠᠪᠰᠢᠶᠠᠨ︕ | 1930 ᠣᠨ |