| ᠡᠰᠡᠨ ᠬᠠᠭᠠᠨ ︵1407—1454︶ | ᠶᠡᠭᠡ ᠮᠤᠩᠭᠤᠯ ᠤᠯᠤᠰ ᠤᠨ ᠬᠤᠷᠢᠨ ᠶᠢᠰᠦᠳᠦᠭᠡᠷ ᠦᠶᠡ ᠶᠢᠨ ᠶᠡᠭᠡ ᠬᠠᠭᠠᠨ᠂ ᠶᠤᠸᠠᠨ ᠤᠯᠤᠰ ᠤᠨ | ᠬᠤᠷᠢᠨ ᠵᠢᠷᠭᠤᠳᠤᠭᠠᠷ ᠦᠶᠡ ᠶᠢᠨ ᠶᠡᠭᠡ ᠬᠠᠭᠠᠨ᠂ ᠤᠮᠠᠷᠠᠲᠤ ᠶᠤᠸᠠᠨ ᠤᠯᠤᠰ ᠤᠨ ᠠᠷᠪᠠᠨ ᠲᠠᠪᠤᠳᠤᠭᠠᠷ ᠦᠶᠡ | ᠶᠢᠨ ᠶᠡᠭᠡ ᠬᠠᠭᠠᠨ᠂ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ᠂ ᠮᠤᠩᠭᠤᠯ ᠤᠨ ᠤᠶᠢᠷᠠᠳ ᠠᠶᠢᠮᠠᠭ ᠤᠨ ᠴᠤᠷᠤᠰ ᠤᠪᠤᠭᠲᠡᠨ᠃ | ᠡᠪᠦᠭᠡ ᠮᠠᠬᠠᠮᠤ᠂ ᠡᠴᠢᠭᠡ ᠪᠠᠭ᠋ᠠᠮᠤ ᠨᠢ ᠤᠷᠢᠳ ᠬᠤᠵᠢᠳ ᠤᠶᠢᠷᠠᠳ ᠤᠨ ᠲᠦᠷᠦᠭᠦᠦ ᠪᠠᠶᠢᠵᠤ ᠲᠠᠶᠢᠱᠢ ᠵᠡᠷᠭᠡ ᠲᠠᠢ | ᠪᠠᠶᠢᠵᠤ ᠮᠢᠩ ᠤᠯᠤᠰ ᠲᠤ ︽ᠰᠢᠳᠤᠷᠭᠤ ᠲᠦᠪᠰᠢᠨ ᠸᠠᠩ︾ ᠡᠷᠭᠦᠮᠵᠢᠯᠡᠭᠳᠡᠪᠡ᠃ ᠨᠡᠷᠡ ᠡᠰᠡᠨ᠂ ᠡᠷᠭᠦᠮᠵᠢ ᠠᠯᠳᠠᠷ | ᠨᠢ ᠡᠰᠡᠨ ᠬᠠᠭᠠᠨ᠃ ᠡᠰᠡᠨ ᠵᠠᠯᠠᠭᠤ ᠨᠠᠰᠤᠨ ᠠᠴᠠ ᠪᠠᠨ ᠠᠪᠤᠭᠠᠳ ᠡᠷᠡᠯᠭᠡᠭ ᠪᠠᠭᠠᠲᠤᠷᠯᠢᠭ ᠤᠬᠠᠭᠠᠨ ᠰᠠᠮᠪᠠᠭᠠ | ᠲᠠᠢ᠃ 1439 ᠤᠨ ᠳᠤ ᠡᠴᠢᠭᠡ ᠨᠢ ᠨᠦᠭᠴᠢᠭᠰᠡᠨ ᠳᠤ ᠡᠴᠢᠭᠡ ᠶᠢᠨ ᠢᠶᠠᠨ ᠲᠠᠶᠢᠱᠢ ᠵᠡᠷᠭᠡ ᠢ ᠵᠠᠯᠭᠠᠮᠵᠢᠯᠠᠵᠤ | ᠮᠢᠩ ᠤᠯᠤᠰ ᠤᠨ ︽ᠰᠢᠳᠤᠷᠭᠤ ᠲᠦᠪᠰᠢᠨ ᠸᠠᠩ︾ ᠤᠨ ᠴᠤᠯᠡ ᠶᠢ ᠬᠦᠯᠢᠶᠠᠨ ᠠᠪᠤᠪᠠ᠃ ᠲᠡᠷᠡ ᠪᠠᠷ ᠪᠢᠯᠢᠭᠲᠦ | ᠬᠠᠭᠠᠨ ᠠᠶᠤᠤᠰᠢᠷᠢᠳᠠᠷᠠ ᠶᠢᠨ ᠤᠳᠬᠤᠨ ᠬᠦᠪᠡᠭᠦᠨ ᠬᠠᠶᠢᠷᠴᠠᠭ ᠳᠦᠭᠦᠷᠡᠩ ᠲᠡᠮᠦᠷ ᠬᠤᠩ ᠳᠠᠶᠢᠵᠢ ᠶᠢᠨ | ᠬᠦᠪᠡᠭᠦᠨ ᠠᠵᠠᠢ ᠲᠠᠶᠢᠵᠢ ᠶᠢᠨ ᠬᠤᠶᠠᠳᠤᠭᠠᠷ ᠬᠦᠪᠡᠭᠦᠨ ᠲᠤᠭᠲᠠᠬᠤ ᠶᠢ ᠪᠤᠬᠠ ᠬᠠᠭᠠᠨ ᠡᠷᠭᠦᠮᠵᠢᠯᠡᠵᠠᠢ᠃ ᠦᠪᠡᠷ | ᠢᠶᠠᠨ ᠳᠤᠮᠳᠠᠲᠤ ᠪᠢᠴᠢᠭ ᠤᠨ ᠬᠦᠷᠢᠶᠡᠯᠡᠩ ᠤᠨ ᠪᠠᠷᠠᠭᠤᠨ ᠭᠠᠷ ᠤᠨ ᠲᠡᠷᠢᠭᠦᠨ ᠰᠠᠶᠢᠳ᠂ ᠴᠡᠷᠢᠭ ᠤᠨ ᠶᠠᠪᠤᠳᠠᠯ ᠤᠨ | ᠬᠦᠷᠢᠶᠡᠯᠡᠩ ᠤᠨ ᠶᠡᠷᠦᠩᠭᠡᠢ ᠵᠠᠬᠢᠷᠤᠭᠴᠢ ᠤᠨ ᠲᠤᠰᠢᠶᠠᠯ ᠢ ᠬᠠᠷᠢᠭᠤᠴᠠᠵᠤ ᠶᠡᠭᠡ ᠡᠷᠭᠡ ᠶᠢ ᠠᠳᠬᠤᠨ ᠬᠠᠭᠠᠨ ᠢ | ᠨᠢᠳᠦᠨ ᠳᠤ ᠪᠠᠨ ᠬᠠᠪᠴᠢᠳᠠᠭ ᠦᠭᠡᠢ ᠪᠠᠶᠢᠯᠠ᠃ ᠳᠤᠮᠳᠠᠲᠤ ᠠᠽᠢᠶᠡ ᠶᠢᠨ ᠴᠠᠭᠠᠲᠠᠢ ᠶᠢᠨ ᠬᠤᠶᠢᠴᠢᠰ ᠲᠠᠢ | ᠤᠯᠠᠨᠲᠡ ᠪᠠᠶᠢᠯᠳᠤᠵᠤ ᠬᠦᠴᠦᠨ ᠢᠶᠠᠨ ᠢᠰᠰᠸᠢᠢᠺ᠂ ᠺᠦᠯ ᠨᠠᠭᠤᠷ᠂ ᠪᠠᠯᠬᠠᠱ ᠨᠠᠭᠤᠷ ᠬᠦᠷᠲᠡᠯᠡ ᠦᠷᠭᠡᠳᠭᠡᠪᠡ᠃ | ᠵᠡᠭᠦᠨᠰᠢ ᠰᠤᠯᠤᠩᠭᠤᠰ ᠢ ᠬᠦᠷᠲᠡᠯᠡ ᠠᠯᠪᠠᠳᠠᠨ ᠳᠠᠭᠠᠭᠤᠯᠪᠠ᠃ ᠪᠠᠷᠠᠭᠤᠨᠰᠢ ᠬᠠᠮᠢᠯ ᠢ ᠤᠤᠯᠭᠠᠯᠠᠵᠤ ᠭᠠᠨᠰᠤ ᠰᠠᠯᠪᠤᠷᠢ | ᠮᠤᠵᠢ ᠶᠢ ᠪᠠᠶᠢᠭᠤᠯᠪᠠ᠃ ᠢᠩᠬᠢᠭᠡᠳ ᠤᠮᠠᠷᠠᠲᠤ ᠶᠢᠨ ᠦᠷᠭᠡᠨ ᠠᠭᠤᠳᠠᠮ ᠨᠤᠲᠤᠭ ᠢ ᠡᠵᠡᠯᠡᠵᠤ ᠪᠦᠬᠦ ᠮᠤᠩᠭᠤᠯ ᠤᠨ | ᠪᠤᠲᠠᠲᠠᠢ ᠨᠤᠶᠠᠷᠬᠠᠬᠤ ᠡᠷᠭᠡ ᠶᠢ ᠠᠳᠬᠤᠵᠤ ᠪᠤᠬᠠ ᠬᠠᠭᠠᠨ ᠢ ᠨᠡᠷᠡ ᠲᠡᠳᠦᠢ ᠪᠤᠯᠭᠠᠨ ︽ᠶᠡᠭᠡ ᠶᠤᠸᠠᠨ ᠤ | ᠨᠢᠭᠡᠳᠦᠭᠰᠡᠨ ᠲᠦᠷᠦ ᠶᠢ ᠰᠡᠷᠭᠦᠭᠡᠨᠡ︾ ᠭᠡᠵᠤ ᠤᠷᠤᠯᠳᠤᠵᠤ ᠪᠠᠶᠢᠯᠠ᠃ ᠡᠰᠡᠨ ᠮᠢᠩ ᠤᠯᠤᠰ ᠲᠠᠢ ᠠᠷᠠᠯᠵᠢᠶᠡ | ᠦᠷᠭᠡᠨ ᠨᠡᠪᠲᠡᠷᠡᠯᠴᠡᠭᠦᠯᠪᠡ᠃ ᠮᠢᠩ ᠤᠯᠤᠰ ᠳᠡᠰᠴᠤ ᠶᠠᠳᠠᠬᠤ ᠳᠤ ᠪᠠᠨ ᠠᠷᠠᠯᠵᠢᠶᠡ ᠬᠢᠬᠦ ᠶᠢ ᠴᠢᠩᠭᠠ | ᠬᠢᠵᠠᠭᠠᠷᠯᠠᠭᠰᠡᠨ ᠳᠤ 1149 ᠤᠨ ᠳᠤ ᠮᠢᠩ ᠤᠯᠤᠰ ᠲᠤ ᠳᠦᠷᠪᠡᠨ ᠵᠠᠮ ᠤᠨ ᠴᠡᠷᠢᠭ ᠤᠷᠤᠭᠤᠯᠵᠠᠢ᠃ ᠦᠪᠡᠷ | ᠢᠶᠠᠨ ᠨᠢᠭᠡ ᠵᠠᠮ ᠤᠨ ᠴᠡᠷᠢᠭ ᠢ ᠵᠠᠬᠢᠷᠴᠤ᠂ ᠲᠦᠮᠦᠪᠤᠤ ᠭᠡᠳᠡᠭ ᠭᠠᠵᠠᠷ ᠮᠢᠩ ᠤᠯᠤᠰ ᠤᠨ ᠿᠦᠢ ᠳ᠋ᠢ ᠬᠠᠭᠠᠨ ᠢ | ᠤᠯᠵᠠᠯᠠᠪᠠ᠃ ᠳᠠᠷᠠᠭᠠ ᠵᠢᠯ ᠨᠢ ᠿᠦᠢ ᠳ᠋ᠢ ᠬᠠᠭᠠᠨ ᠢ ᠪᠤᠴᠠᠭᠠᠵᠤ ᠠᠷᠠᠯᠵᠢᠶᠠᠨ ᠤ ᠬᠠᠷᠢᠴᠠᠭᠠ ᠪᠠᠨ ᠰᠡᠷᠭᠦᠭᠡᠪᠡ᠃ | ᠮᠢᠩ ᠤᠯᠤᠰ ᠯᠤᠭᠠ ᠶᠢᠨ ᠬᠠᠷᠢᠴᠠᠭᠠᠨ ᠳᠡᠭᠡᠷᠡ ᠪᠤᠬᠠ ᠬᠠᠭᠠᠨ ᠯᠤᠭᠠ ᠰᠡᠵᠢᠭᠯᠡᠯᠴᠡᠵᠤ ᠬᠤᠶᠠᠷ ᠲᠠᠯᠠ ᠪᠠᠷ ᠢᠶᠠᠨ | ᠳᠠᠶᠢᠯᠠᠯᠳᠤᠨ ᠡᠬᠢᠯᠡᠵᠠᠢ᠃ ᠡᠬᠢᠨ ᠳᠤ ᠪᠠᠨ ᠪᠤᠬᠠ ᠬᠠᠭᠠᠨ ᠳᠡᠶᠢᠯᠵᠤ ᠪᠠᠶᠢᠭᠰᠡᠨ ᠪᠤᠯᠪᠠᠴᠤ ᠰᠡᠭᠦᠯ ᠳᠤ ᠨᠢ ᠬᠠᠭᠠᠨ | ᠤ ᠳᠡᠭᠦᠦ ᠠᠭᠪᠠᠷᠵᠢᠨ ᠵᠢᠨᠤᠩ ᠢ ᠲᠠᠲᠠᠵᠤ ᠬᠤᠭᠤᠷᠤᠨᠳᠤ ᠨᠢ ᠵᠠᠪᠰᠠᠷᠳᠠᠭᠤᠯᠤᠨ ᠵᠢᠨᠤᠩ ᠲᠠᠢ ᠬᠤᠯᠪᠤᠭᠠᠯᠠᠨ | ᠲᠠᠶᠢᠰᠤᠩ ᠬᠠᠭᠠᠨ ᠤ ᠲᠦᠷᠦ ᠶᠢ ᠨᠢ ᠳᠠᠶᠢᠪᠢᠭᠤᠯᠵᠤ ᠵᠢᠭᠤᠳᠠᠭᠤᠯᠵᠠᠢ᠃ 1452 ᠤᠨ ᠳᠤ ᠡᠰᠡᠨ ᠤᠷᠢᠳ ᠢᠶᠠᠷ | ᠵᠢᠨᠤᠩ ᠢ ᠬᠠᠭᠠᠨ ᠡᠷᠭᠦᠮᠵᠢᠯᠡᠵᠤ ᠨᠠᠶᠢᠷ ᠬᠢᠬᠦ ᠨᠡᠷᠡ ᠪᠠᠷ ᠵᠠᠯᠠᠵᠤ ᠠᠪᠴᠢᠷᠠᠨ ᠬᠠᠭᠠᠨ ᠢ ᠲᠦᠰᠢᠮᠡᠯ ᠲᠠᠢ ᠨᠢ ᠬᠦᠢᠰᠦ | ᠲᠡᠮᠲᠡᠷᠢᠵᠡᠢ᠃ 1453 ᠤᠨ ᠳᠤ ᠡᠰᠡᠨ ᠦᠪᠡᠷ ᠢ ᠪᠠᠨ ᠬᠠᠭᠠᠨ ᠡᠷᠭᠦᠮᠵᠢᠯᠡᠵᠠᠢ᠃ ᠡᠷᠭᠦᠮᠵᠢ ᠠᠯᠳᠠᠷ ᠢᠶᠠᠨ ᠶᠡᠭᠡ | ᠶᠤᠸᠠᠨ ᠤ ᠲᠩᠷᠢᠯᠢᠭ ᠪᠤᠭᠲᠡ ᠶᠡᠭᠡ ᠬᠠᠭᠠᠨ ᠭᠡᠵᠤ᠂ ᠤᠨ ᠤ ᠴᠤᠯᠡ ᠪᠠᠨ ᠲᠩᠷᠢ ᠤᠨ ᠴᠡᠭᠡᠯ ᠭᠡᠵᠡᠢ᠃ ᠮᠢᠩ | ᠤᠯᠤᠰ ᠲᠡᠭᠦᠨ ᠢ ᠤᠶᠢᠷᠠᠳ ᠤᠨ ᠬᠠᠭᠠᠨ ᠭᠡᠳᠡᠭ᠃ 1354 ᠤᠨ ᠳᠤ ᠲᠡᠷᠢᠭᠦᠨ ᠰᠠᠶᠢᠳ ᠠᠯᠠᠭ ᠦᠪᠡᠷ ᠢ ᠪᠠᠨ | ᠲᠠᠶᠢᠱᠢ ᠡᠷᠭᠦᠮᠵᠢᠯᠡᠭᠦᠯᠦᠨᠡ ᠭᠡᠵᠤ ᠭᠤᠶᠤᠭᠰᠡᠨ ᠳᠤ ᠡᠰᠡᠨ ᠡᠰᠡ ᠵᠦᠪᠰᠢᠶᠡᠷᠡᠭᠡᠳ ᠠᠯᠠᠭ ᠲᠤ ᠬᠤᠷᠤᠭᠠᠭᠳᠠᠪᠠ᠃ | ᠡᠰᠡᠨ ᠬᠠᠭᠠᠨ ᠤ ᠭᠤᠤᠯ ᠦᠢᠯᠡ ᠪᠠ ᠨᠦᠯᠦᠭᠡ᠄ | ⒈ ᠬᠠᠭᠠᠨ ᠤᠷᠤ ᠳᠦᠷᠪᠡᠳᠡᠬᠢ ᠤᠳᠠᠭᠠ ᠰᠡᠴᠡᠨ ᠬᠠᠭᠠᠨ ᠤ ᠪᠤᠰᠤ ᠤᠳᠤᠮ ᠤᠨ ᠬᠢᠨ ᠳᠤ ᠰᠢᠯᠵᠢᠵᠡᠢ᠃ | ⒉ ᠡᠰᠡᠨ ᠪᠠᠭᠠᠲᠤᠷ ᠵᠤᠷᠢᠭ ᠰᠡᠴᠡᠨ ᠤᠢ ᠪᠢᠯᠢᠭ ᠲᠤ ᠪᠠᠨ ᠲᠦᠰᠢᠭᠯᠡᠵᠤ ᠵᠡᠪᠰᠡᠭᠲᠤ ᠬᠦᠴᠦᠨ ᠢᠶᠠᠷ ᠤᠯᠠᠨ | ᠵᠢᠯ ᠪᠤᠲᠠᠷᠠᠭᠰᠡᠨ ᠮᠤᠩᠭᠤᠯ ᠤᠷᠤᠨ ᠢ ᠨᠢᠭᠡᠳᠭᠡᠵᠤ ᠬᠠᠭᠠᠨ ᠰᠠᠭᠤᠭᠰᠡᠨ ᠪᠤᠯᠪᠠᠴᠤ ᠤᠯᠤᠰ ᠲᠦᠷᠦ ᠪᠠᠨ | ᠴᠡᠭᠴᠡᠯᠡᠵᠤ ᠠᠵᠤ ᠠᠬᠤᠢ ᠪᠠᠨ ᠬᠦᠭᠵᠢᠭᠦᠯᠬᠦ ᠶᠢ ᠤᠮᠲᠤᠭᠠᠶᠢᠯᠠᠭᠰᠡᠨ ᠳᠡᠭᠡᠷᠡ ︽ᠠᠯᠲᠡᠨ ᠤᠷᠤᠭᠲᠠᠨ ᠤ ᠦᠷᠡᠰ︾ | ᠪᠢᠰᠢ ᠪᠠᠶᠢᠭᠰᠡᠨ ᠪᠤᠯᠬᠤᠷ ᠪᠠᠲᠤ ᠰᠠᠭᠤᠷᠢ ᠦᠬᠡᠢ ᠪᠠᠶᠢᠵᠤ ᠤᠳᠠᠯ ᠦᠭᠡᠢ ᠬᠤᠷᠤᠭᠠᠭᠳᠠᠪᠠ᠃ | ⒊ ᠮᠢᠩ ᠤᠯᠤᠰ ᠲᠤ ᠴᠡᠷᠢᠭᠯᠡᠵᠤ ᠿᠦᠢ ᠳ᠋ᠢ ᠬᠠᠭᠠᠨ ᠢ ᠤᠯᠵᠠᠯᠠᠨ ᠪᠠᠷᠢᠴᠠᠭᠠᠯᠠᠵᠤ ᠮᠢᠩ ᠤᠯᠤᠰ ᠪᠤᠯᠤᠨ | ᠶᠤᠸᠠᠨ ᠤᠯᠤᠰ ᠤᠨ ᠬᠦᠴᠦᠨ ᠤ ᠬᠠᠷᠢᠴᠠᠯ ᠢ ᠲᠡᠩᠴᠡᠭᠦᠷᠢᠰᠢᠭᠦᠯᠵᠤ ᠬᠡᠯᠡᠯᠴᠡᠭᠡᠷ ᠬᠢᠵᠤ ᠶᠤᠸᠠᠨ ᠤᠯᠤᠰ ᠪᠤᠯᠤᠨ | ᠮᠢᠩ ᠤᠯᠤᠰ ᠤᠨ ᠬᠤᠭᠤᠷᠤᠨᠳᠤᠬᠢ ᠠᠷᠠᠯᠵᠢᠶᠠᠨ ᠤ ᠬᠠᠷᠢᠴᠠᠭᠠ ᠪᠠᠨ ᠰᠡᠷᠭᠦᠭᠡᠨ ᠪᠠᠲᠤᠯᠠᠵᠠᠢ᠃ | ⒋ ᠬᠦᠴᠦᠨ ᠢᠶᠠᠨ ᠪᠠᠷᠠᠭᠤᠨᠰᠢ ᠪᠠᠯᠬᠠᠱ ᠨᠠᠭᠤᠷ ᠬᠦᠷᠲᠡᠯᠡ ᠦᠷᠭᠡᠳᠭᠡᠵᠤ ᠵᠡᠭᠦᠨᠰᠢ ᠰᠤᠯᠤᠩᠭᠤᠰ ᠢ | ᠠᠯᠪᠠᠳᠠᠨ ᠳᠠᠭᠠᠭᠤᠯᠵᠤ ᠡᠮᠦᠨᠠᠰᠢ ᠭᠠᠨᠰᠤ ᠰᠠᠯᠪᠤᠷᠢ ᠮᠤᠵᠢ ᠶᠢ ᠪᠠᠶᠢᠭᠤᠯᠵᠤ ᠨᠤᠲᠤᠭ ᠳᠡᠪᠢᠰᠭᠡᠷ ᠢᠶᠠᠨ ᠦᠷᠭᠡᠳᠭᠡᠪᠡ | ᠃ |